PLEIV CATOLICA-ROMANA DA LUMNEZIA

Cumbel-Peiden-Camuns-Tersnaus-Uors-Surcasti-Lumbrein-Surin-Vrin

Caras parochianas, cars parochians

Il scamond dad organisar survetschs divins publics (messas, devoziuns e.a.v.) ed era autras occurenzas vala vinavon. Quei scamond decretaus dil stadi che vala per l’entira Svizra cuozza silmeins tochen miez avrel.

- Lubidas ein mo sepulturas el stretg ravugl dalla famiglia. En cass da mortoris directamein contactar il plevon
  per l’organisaziun concreta!
- Las baselgias restan denton aviartas per l’oraziun privata.
- Ei vegn recumandau da far part spirtalmein da messas che vegnan emessas via las medias (Rado, tv, internet)
  ni da far oraziun a casa (mira text da sur decan el FUS). Era silla pagina d’internet digl  uestgiu anfleis „Links“
  che meinen tier messas el radio ed el  internet (www.bistum-chur.ch).
- Sur Dirk stat a disposiziun per visetas tiels malsauns en cass urgents (S. Ieli, S. Communiun)
   e per discuors pastorals ( p. ex. Penetienzia) ed ei contonschibels via telefon, ni E-Mail, era il
   secretariat ei contonschibels duront las uras das spurtegl.
- La fiasta dalla emprema S. Communiun previda per dumengia,  ils 19 d’avrel a Vella croda ora.
  En tgei fuorma e cu ella sa haver liug ei aunc buca enconuschent.
- Pertuccont la Creisma previda per dumengia, ils 10 da matg vegn communicau pli tard.
- Las messas fundadas per quest temps vegnan pridas suenter.
- Ei vegn fatg attents silla acziun da nossas uniuns da giuventetgna che porschan agid per glieud veglia
  ed auters pertuccai (far cummissiuns, accumpignar tiel miedi e.a.v.)

Envidar ina candeila
Ils uestgs svizzers ensemen culla baselgia reformada recammondan dad envidar ina candeila e schar arder veseivlamein p.ex. sin parsiel finiastra e quei mintgamei la gievgia allas 20.00 e da cumbinar quei cun in
mument da oraziun. Ei setracta dad in „segn da speronza e cuminonza“. Ins duess far oraziun per tuts
pertuccai da Corona: Ils malsauns, per tuts che lavuren el sectur da sanadad e per quels che sesentan persuls.

Dumengia da palmas
Era sche nus astgein buca far messa quei gi eis ei previu da metter a disposiziun palmas benedidas en nossas baselgias. Informaziuns concretas suondan el proxim fegl ufficial.

Unfrenda da Cureisma
Damai che negins survetschs divins publics han liug lein nus far attents silla pusseivladad da pagar en
directamein tier l’unfrenda da Cureisma (via E-Banking ni cul scret da pagament che sesanfla ell’agenda
che veis survegniu
). Ei dat era la pusseivladad da surdar ils daners els vitgs da nossa pleiv.
Informaziuns concretas suondan el proxim fegl ufficial.

Pastgas
Proximamein survegnis informaziuns pertuccond la benedicziun dils ovs da Pastgas e las pusseivladads da cumprar candeilas benedidas da Pastgas

Autras informaziuns actualas ein d’anflar mintgamai el Fegl Ufficial ni sin nossa pagina d’internet.

 Sur Dirk e secretariat dalla pleiv

Contact: Uffeci parochial sur Dirk, Tel. 081 931 11 63         E-Mail: djasinski@bluewin.ch
Secretariat a Cumbel (margis e venderdis 9:00 – 11:00)      E-Mail: info@pleivlumnezia.ch

 

Coronavirus
La radunonza annuala dalla pleiv vegn spustada sin pli tard.

Tenor la nova disposiziun dalla regenza dil cantun Grischun e dil cussegl federal ein tuttas occurrenzas e sentupadas religiusas naven dils 16 da mars 2020 scumandadas. Per il proxim temps dat ei neginas messas e negins rusaris. Las baselgias restan denton aviartas per oraziuns da persunas singulas. Era per sepulturas dat ei grondas restricziuns.
Informaziuns anfleis sut www.gr.ch


Terren da baghegiar / Bauland Lumnezia

La pleiv posseda pliras parcellas da baghegiar, quei a Lumbrein, Surcasti, Camuns ed
a Tersnaus. Las parcellas vegnan surdadas en dretg da baghegiar. Tgi che interess da surbaghegiar ina da quellas parcellas sa bugen s'annunziar tier il president dalla pleiv.
Die Kirchgemeinde besitzt mehrere Bauparzellen. Diese werden im Baurecht abgetreten.
Haben wir Ihr Interesse geweckt, dann melden Sie sich bei:

Alexander Casanova; 079 454 31 69   e-mail xxzani@bluewin.ch

> Cheu ina survesta dalla parcellas / hier eine Übersicht der Bauparzellen


Messas fundadas/Stiftmessen:
Vuleis vus fundar ina messa perpetna (messa fundada) per ina defuncta ni per in defunct.
Lu saveis cheu cargar giu ed emplenir ora quei formular. Messas fundadas san vegnir fatgas per 10, 15, 20 ni 25 onns. Möchten Sie für eine verstorbene Person eine Stiftmesse gründen. Die Gründung einer Stiftmesse ist für 10, 15, 20 oder 25 Jahre möglich. Cheu il formular/bitte dafür das Formular ausfüllen >



Il zenn pign da Vrin

> cheu il rapport en La Quotidiana dils 29-09-2019

> cheu il rapport en La Quotidiana dils 17-12-2019
Suenter la reparatura dil zenn pign ei quel puspei vegnius montaus ils 16 da december 2019.  Vuleis vus finanzialmein sustener quella reparatura dil zenn dalla baselgia parochiala da Vrin (16'000.-). Lu astgeis prestar in pagament sin nies conto tier la banca Raiffeisen:
CH30 8080 8006 1488 6477 5     (Buca emblidar d'indicar "Zenn da Vrin" tier il pagament)


 
 
Perdanonza a Lumbrein 2019 (cheu dapli fotografias)

 (Rapport en La Quotidiana dils 17-10-2019)

 


 Perdanonza a Tersnaus 2019 (cheu dapli fotografias)


 Perdanonza a Cumbel 2019  (cheu il rapport en la Quotidiana)


  
 Perdanonza a Vrin 2019  
(cheu il rapport en La Quotidiana)



  Perdanonza a Camuns 2019  (cheu dapli fotografias)


  Installaziun da sur Dirk Jasinski    (cheu dapli fotografias)

  Dumengia, ils 02 da zercladur 2019 ha giu liug la fiasta d'installaziun
  da nies plevon
sur Dirk Jasinski.
La pleiv engrazia a sur dr. Tomasz Piotr 
  Drwal (decan), al chor mischedau Vrin/Surin ed alla societad da musica  
  Lumbrein per la collaboraziun.
    (Rapport en La Quotidiana)


 Processiun a Vanescha 2018   (cheu dapli fotografias)


> Reglament per l'affittaziun da funs agricol (versiun approbada)


> Muossavia per cass da mortoris / Merkblatt für Trauerfälle


> Formular per ina messa fundada / Formular für die Gründung einer Stiftmesse



Cordial beinvegni sin nossa pagina

Cun l`entschatta digl onn 2018 ei la «Pleiv catolica-romana da Lumnezia» en vigur. Igl emprem da settember 2017 han las anteriuras pleivs da Cumbel/Peiden, Lumbrein, Suraua e Vrin decidiu da seunir ad ina pleiv. La radunonza constitutiva ha giu liug ils 3 da november 2017. El messadi anfleis vus dapli informaziuns davart la reuniun. La finamira dalla nova pleiv ei da garantir la pastoraziun en nos vitgs alla periferia dalla biala Val Lumnezia. Nus procurein per ina cuntinuitad dalla ierta ecclesiastica e culturala. Nies motto secloma :

«Cun forzas reunidas e plein slontsch viers igl avegnir»

Quella pagina duei porscher a Vus informaziuns actualas e dar investa a Vus sils differents camps. Vus saveis s'informar davart nossas activitads, nos beins culturals e nos varga 20 edifecis sacrals en maletg e cun documentaziuns interessantas.

Naven digl 1. da schaner 2018 dat ei duas pleivs en Lumnezia. Sper nossa pleiv, pia la «Pleiv catolica-romana da Lumnezia» eisi aunc la «Vischnaunca da pleiv Lumnezia-miez». Tier lezza s'audan las anteriuras pleivs da Vella, Degen, Vignogn e Morissen  www.pleiv-lumnezia.ch

___________________________________________________________________________________________________


Herzlich willkommen auf unsere Internetseite


Die kath. Kirchgemeinden Cumbel/Peiden, Lumbrein, Suraua und Vrin haben mit Beschluss vom 1. September 2017 per 1.1.2018 fusioniert. Anlässlich der Versammlung vom 3. November 2017 wurden die Verfassung und das Steuergesetz genehmigt. Ebenfalls wurde der Vorstand für die Amtsdauer 2018-2020 gewählt. Die neue Kirchgemeinde trägt den Namen "Pleiv catolica-romana da Lumnezia".

Ab 1. März 2018 ist Pfarrer Dirk Jasinski für die Seelsorge in den Pfarreien Cumbel/Peiden, Camuns, Tersnaus, Surcasti/Uors, Lumbrein und Vrin zuständig.
Als Aushilfe steht Pfarrer Albert Riederer zur Verfügung. Datum und Zeiten der Gottesdienste werden im Amtsblatt Surselva und hier auf unserer Internetseite veröffentlicht > Gottesdienste


Für den Gottesdienst in den Pfarreien Degen, Morissen, Vella und Vignogn ist Pfarrer Peter Aregger zuständig. Infos dazu finden Sie unter www.pleiv-lumnezia.ch



Impressum