PLEIV CATOLICA-ROMANA DA LUMNEZIA

Cumbel-Peiden-Camuns-Tersnaus-Uors-Surcasti-Lumbrein-Surin-Vrin


Radunonza dils 18-05-2022 a Cumbel (presents 32):

A caschun dalla radunonza ei vegniu approbau il quen 2021 ed il preventiv 2022.
Il pei da taglia per 2022 ei vegnius fixaus sco entochen dacheu sin 15 %. 
Il credit da 380'000.- per la renovaziun interna, novas pegnas ed installaziun
d'ina automatisaziun dalla baselgia a Vrin ei vegnius approbaus unanimamein. 


Radunonza extraordinaria dils 23-11-2021 a Vrin (presents 18):

Il brat dalla parcella 9267 cun la parcella 9212 a Vrin ei vegniu approbau unanimamein.
La pleiv posseda niev la parcella 9212 e metta quella a disposiziun sco terren da baghegiar.


Radunonza dils 12-03-2021 a Lumbrein (presents 28):
A caschun dalla radunonza ei vegniu approbau il quen 2020 sco era il preventiv 2021.
Il pei da taglia resta sco entochen dacheu sin 15 %. Per la renovaziun externa dalla caplutta
da s.Roc a Lumbrein ei vegniu concediu in credit da frs. 180'000.-. Il contract per in dretg
da baghegiar a Lumbrein ei vegnius approbaus. 


Radunonza dils 23-10-2020 a Lumbrein (presents 21):
A caschun dalla radunonza ei vegniu approbau il quen 2019 sco era il preventiv 2020.
Il pei da taglia resta sco entochen dacheu sin 15 %. Leo Derungs e Fidel Arpagaus han 
demissiunau sils 31-12-2020. Per la nova perioda d'uffeci 2021-2023 ein ils ulteriurs commembers Alexander Casanova (president), Rudolf Caduff ed Armin Caviezel vegni reelegi. Sco niev commember da suprastonza ei Rico Derungs da Surcasti vegnius elegius.
In post stat aunc vacants. En suprastonza ei era ex officio il plevon sur Dirk Jasinski.

Radunonza dils 05-04-2019 ad Uors (presents 54):
La radunonza dils 5 d'avrel 2019 ha approbau il quen 2018 ed il preventiv 2019.
Il pei da taglia per 2020 ei vegnius fixaus sco entochen dacheu sin 15 %.
Sur Dirk Jasinski ei vegnius elegius sco plevon per nossa pleiv. La fiasta
d'installaziun ha liug ils 2 da zercladur 2019 a Lumbrein.
Cun ina adattaziun ei il reglament davart l'affittaziun da funs vegnius approbaus.


Radunonza dils 11-4-2018 a Vrin
(presents 49):
A caschun dalla radunonza dils 11 d'avrel 2018 a Vrin ein ils quens 2017 dallas anteriuras pleivs e dallas fundaziuns vegni approbai. Era la bilanza per igl 1.1.2018 ein vegnida approbada. Il preventiv per igl onn 2018 preveda in gudogn da frs. 10'000.-.


Radunonza dils 03-11-2017 a Cuschnaus (presents 45):
La radunononza constitutiva ha giu liug ils 3 da november 2017. La constituziun,
la lescha da taglia ed il reglament da salarisaziun ei vegniu approbau senza midadas.
Anlässlich der Gründungsversammlung vom 3.11.2017 wurden die Verfassung und das Steuergesetz sowie das Entschädigungsreglement genehmigt.

Ils 45 presents han elegiu la suprastonza dalla nova pleiv per ils proxims 3 onns;
Die 45 Anwesenden haben folgende Personen in den Vorstand gewählt;

- President/Präsident: Alexander Casanova, Lumbrein
- Vice ed actuar/Vize und Aktuar: Fidel Arpagaus, Cumbel
- Cau finanzas/Schef Finanzen: Rudolf Caduff, Cumbel
- Cau baghetgs sacrals/Sakralbauten: Armin Caviezel, Vrin
- Cau baghetgs e funs/Übrige Bauten und Boden: Leo Derungs, Camuns
- Plevon/Pfarrer Sur Markus Domeisen, Lumbrein (ex officio)